Partasolur.is

Uppboð á uppboðsvef Bílauppboðs ehf.

Bílar sem eru boðnir upp fyrir einkaaðila á uppboðsvef Bílauppboðs (bilauppbod.is). Bílar verða að vera veðbandalausir og bifreiðagjöld greidd.

Eigandi upplýsir um alla galla sem hann veit um og gefur greinagóða lýsingu á bifreið. Eigandi skuldbindur sig til að bjóða ekki í bílinn þar sem það getur eyðilagt útboðsferlið og samræmist ekki viðskiptaháttum Bílauppboðs.

Eigandi kemur með bifreiðina á staðinn  þar sem starfsmenn okkar mynda hana.

Eigandi ákveður lágmarksverð bifreiðar. 

Eigandi gefur Bílauppboði ehf. umboð til að skrifa undir fyrir sína hönd sölutilkynningu, afsal og að taka á móti greiðslu fyrir bifreiðina.

Eigandi er skyldugur til að selja ef tilboð sem berast í bifreiðina ná lágmarksverði. Hæstbjóðandi er ávallt skyldugur til að kaupa bifreiðina á því verði sem hann býður þó verðið nái ekki lágmarksverði en það er undir seljanda komið hvort hann  selji undir lágmarksverði.

Eigandi skuldbindur sig til að bjóða ekki í eigin bíla. Ef hæstbjóðandi fellur frá tilboði þá er eina úrræðið sem bílauppboð hefur að útiloka bjóðanda frá að gera frekari tilboð á uppboðsvefnum. Reynt er að hafa samband við næstbjóðanda en sá er ekki „bundinn“ af tilboði sínu.

Kostnaður vegna uppboðs er:  Sölugjald er 42.000 kr m,vsk. Ef bifreið selst ekki er rukkað hálft uppboðsgjald 21.000 kr. Til viðbótar er þóknun til kortafyrirtækis ef greitt er með korti. 500 kr vegna debetkorta og 2,8% af upphæð vegna kreditkorta.

Hæstbjóðandi sem náð hefur settu lágmarki hefur 2 daga að ganga frá kaupum. Ef ekki er búið að ganga frá kaupum innan viku þá þarf eigandi að fjarlægja bifreiðina, eða vera í samráði við Bílauppboð um það að reyna aftur gegn vægu gjaldi.

Bifreiðar standa alla jafnan úti (þannig að væntanlegir kaupendur geta skoðað) á meðan uppboð fer fram og er ekki tekin ábyrgð á skemmdum sem kunna að vera unnar á bifreiðunum á meðan útboð fer fram. 

Dagsetning: ____________ 

Undirskrift: __________________________________

< Til baka