Bílauppboð.is - Uppboðsvefur

Nýskráning

Smelltu á Nýskrá hnappinn til að skrá þig sem notanda. Um leið og nýskráningu lýkur getur þú hafist handa við að gera boð.

Gleymt lykilorð

Hafir þú gleymt eða týnt lykilorðinu þínu getur þú nálgast það með því að smella á hnappinn hér að neðan.

Innskráning

Notandanafn
Lykilorð

Upplýsingarvefur Króks

Til að geta boðið í ökutæki og muni þarf viðkomandi að vera skráður notandi á uppboðsvef Króks Bílauppboðs ehf. Tilboðsgjafi skráir sig með því að skrá inn nafn: kennitölu, heimilisfangi, símanúmeri ásamt tölvupóstfangi . Þar til viðbótar þarf hann að velja sér auðkennisorð (notendanafn) og leyniorð.

Ekki mega aðrir en skráður notandi nota aðgang hans að útboðsvef Króks Bílauppboðs ehf.
Notandi þarf að hafa náð 18 ára aldri og vera fjárráða.
Tilboðin eru bindandi. Hæsta tilboð í hvert ökutæki eða hlut er sýnilegt. Tilboðgjafi verður því að gera hærra tilboð en sýnt er. Ef annar tilboðsgjafi gerir hærra tilboð, getur annar tilboðsgjafi gert nýtt og hærra tilboð. Öll verð eru staðgreiðsluverð. Ef lágmarksverð næst ekki er það ákvörðun seljanda hvort hann selur á hæsta tilboðsverði. Eftir sem áður er tilboðsgjafi bundin að sínu tilboði.

Ef notandi verður uppvís af því að misnota vefinn t.d. með því falla frá tilboði sem hann hefur gert í ökutæki eða hlut þá getur hann verið útilokaður frá að nota uppboðsvef Króks Bílauppboðs ehf.
Allar villur í tilboðsgerð eru á ábyrgð tilboðsgjafa. Hægt er þó að leiðrétta tilboð sé um auðsjáanlega villu að ræða (t.d. ásláttarvillu) og skal þá hafa samband við umsjónarmann útboðs með tölvupósti eða símtali.
Kaupandi greiðir og fjarlægir ökutæki eða hlut innan tveggja sólahringa frá þeim tíma sem hann hefur unnið tilboð, eftir þann tíma reiknast geymslugjald samkvæmt gjaldskrá Króks. Ef kaupandi hefur ekki staðfest kaupin með greiðslu og sent staðfestingu því til sönnunar til uppboðshaldara, innan tveggja sólahringa getur hver sem er gengið inn í tilboð hæstbjóðanda.

Öll tilboð eru með virðisaukaskatti nema annað sé tekið fram.

Hægt er að senda inn fyrirspurnir um uppboðið til umsjónarmanns á vefsíðu krokur@krokur.net
Áskilin er réttur til að hafna tilboðum nái þau ekki lágmarksverði.

Hægt er að skoða bifreiðarnar áður en tilboð er gert, sjá nánar staðsetningu bifreiða. Við hvetjum menn eindregið til að skoða bifreiðarnar áður en tilboð er gert. Krókur Bílauppboð ehf. er milliliður í viðskiptum seljanda og kaupanda og er ekki samábyrgur seljanda vegna skyldu hans.

Öll ökutæki og munir á útboðsvefnum eru seldir í því ástandi sem þeir eru í og ber tilboðsgjafa að kynna sér ástand þeirra áður en tilboð er gert. Sjá 20. grein laga um lausafjárkaup nr. 50/2000. Í flestum tilfellum fylgir einn lykill með bifreiðunum nema annað sé tekið fram.

Lög um lausafjárkaup 2000 nr. 50 16. maí
20. gr. Vond trú kaupanda, rannsókn fyrir kaup o.fl.
Kaupandi getur ekki borið neitt það fyrir sig sem galla sem hann vissi eða mátti vita um þegar kaupin voru gerð.

Hafi kaupandi rannsakað söluhlut áður en kaupin voru gerð eða hafi hann án gildrar ástæðu látið undir höfuð leggjast að sinna hvatningu seljanda um slíka rannsókn getur kaupandi ekki borið fyrir sig neitt það sem hann hefði þá átt að veita athygli. Þetta gildir þó ekki ef seljandi hefur sýnt af sér vítavert gáleysi eða framferði hans að öðru leyti verið andstætt heiðarleika og góðri trú.

Reglur 2. mgr. gilda einnig hafi kaupandi fyrir kaup rannsakað sýnishorn af hlutnum eða látið það hjá líða án gildrar ástæðu og gallinn varðar eiginleika sem sjá mátti á sýnishorninu. Athygli er vakin á að bifreiðarnar eru í mörgum tilfellum notaðar (slitnar) ásamt því að vera skemmdar eftir umferðaróhöpp og er ástand þeirra í samræmi við það.

Engin ábyrgð er tekin á leyndum göllum eða að tjónið sé viðtækara en almenn skoðun getur leitt í ljós.

Akstur bifreiða er gefin upp samkvæmt mæli (km eða mílum) og er engin ábyrgð er tekin á því hvort mælir sýnir raunverulegan akstur ökutækis. Bjóðendur verða að kynna sér um hvor mælieiningu er að ræða.

Sama gildir um aðra uppboðsmuni.

Kaupandi greiðir gjald vegna eigandaskipta, bifreiðagjöld og þungaskatt frá kaupdegi.

Að öðru leyti eru tilboðsupphæðir endanlegar og bætast engin gjöld við tilboðsverðið önnur en að ofan greinir.

A.t.h. hægt er að fá senda bíl/tæki til kaupanda eftir að gengið hefur verið frá kaupum (greiðslu og undirritun pappíra), flutningsgjald reiknisfærist samkvæmt gjaldskrá Króks.

Tilboðin eru bindandi. Hæstbjóðandi fær sendan tölvupóst um niðurstöður uppboðs og leiðbeiningar hvert hann á að snúa sér til að ganga frá kaupunum. Fyrirvari
Allar upplýsingar á útboðsvef Króks Bílauppboðs ehf. eru með fyrirvara og engin ábyrgð er tekin á mistökum sem kunna að verða vegna þess að þær reynast ekki réttar, eða ef upp koma villur í tölvukerfinu. Krókur Bílauppboð ehf. áskilur sér rétt til breytinga á skilmálum. ATH ! Það er mjög mikilvægt fyrir tilboðsgjafa að skoða ferilskrá bifreiðar áður en tilboð er gert, því nýskráning segir bara til um skráningardag á Íslandi en ekki endilega árgerð.